Martın 29-da Naxçıvan şəhərində bölgədə AzKİL-in dəstəyilə fəaliyyət göstərən icmaların 100-dən artıq nümayəndəsinin iştirakı ilə Regional Bacarıqların Artırılması Konfransı keçirilmişdir. Tədbiri Naxçivan RƏO və “Naxçıvan Aqrobiznes” MMC təşkil etmişdilər. Konfransın işində AzKİL-in direktor müavini, İcma İnkişafı meneceri Gülbəniz Qənbərova iştirak etdi.

2004-cü ilin sentyabrında Azərbaycan Hökuməti və Beynəlxalq İnkişaf Asossiasiyasi (BİA) arasında bağlanmış Sazişə əsasən ölkədə həyata keçirilən “Azərbaycan Kənd İnvestisiya Layihəsi” (AzKİL) uğurla davam edir. Layihənin əsas məqsəd icma layihələrinə sərmayə qoymaqla əhalinin yaşayış səviyyəsini yaxşılaşdırmaqdan və infrastruktur xidmətlərinə çıxışların artırılmasından ibarətdir. Layihə çərçivəsində Azərbaycanın 21 rayonunda 400-450 icma layihələrinin reallaşdırılması nəzərdə tutulur.