AzKİL-2-nin əsas komponentlərindən biri olan Bacarıqların Artırılması komponenti səfərbərlik seminarları, təlimlərlə yanaşı həm də "icma şəbəkələşməsi" kimi fəaliyyətlər əsasında da reallaşdırılır. Buna görə də İcma inkişafında nəzərə çarpacaq dərəcədə əhəmiyyəti olan, əsas fəaliyyətini icmaların inkişafı üçün faydalı təcrübələrin və öyrənilmiş dərslərin yayilması, icmaların biri-birinə inteqrasiya etməsi, birgə layihə həyata keçirmək və planlaşdırma, işgüzar əlaqələrin qurulması və s. əsasında qurulan “İcma şəbəkələşməsinin” bünövrəsi isə “Zonadaxili qarşılıqlı görüşlər” vasitəsilə öz işinə başlayır.

Yuxarı Seyfəli kəndinin yolları İkinci Azərbaycan Kənd İnvestisiya Layihəsi tərəfindən təmir olunaraq sakinlərin istifadəsinə verildi. Yuxarı Seyfəli bələdiyyəsi və Yuxarı Seyfəli kənd sakinləri adından İkinci Azərbaycan Kənd İnvestisiya Layihəsinin rəhbərliyinə və əziyyəti keçən bütün əməkdaşlarına minnətdarlığımızı bildiririk.

Bu gün AzKİL 2 Muğan- Salyan zonasının Sabirabadda yerləşən Regional Ofisində Gəlir Gətirən layihələrlə bağlı müraciət edən icmaları təmsil edən qruplarla görüş keçirildi. Görüşdə AzKİL – 2 Direktor müavini, İcma İnkişafı və Bacarıqların Artırılması üzrə Menecer Gülbəniz xanım Qənbərova, Muğan- Salyan RƏO-nun Proqram Mütəxəssisi Fəridə xanım Eminova, İcma Əsaslı Gəlirgətirən Layihələr üzrə Mütəxəssis Əhməd Əliyev, Sabirabad rayonu Axtaçı-Muğan , Nərimankənd icmaları, Saatlı rayonu Qara Nuru və Mollavaizli icmaları iştirak etdilər.

Bu gün Muğan- Salyan zonasının Sabirabad ofisində “Gəlir Gətirən fəaliyyətlər üzrə öyrənilmiş dərslər” mövzusunda seminar keçirildi. Seminarda AzKİL – 2 Direktor müavini, İcma İnkişafı və Bacarıqların Artırılması üzrə Menecer Gülbəniz xanım Qənbərova, Muğan- Salyan RƏO-nun Proqram Mütəxəssisi Fəridə xanım Eminova, İcma Əsaslı Gəlirgətirən Layihələr üzrə Mütəxəssis Əhməd Əliyev , Inkubator layihələrinin təmsilçiləri - Balakən rayonu Qaysa icması,Masallı rayonu Çaxırlı icması , Lənkəran rayonu Separadi icması, Sabirabad rayonu Həsənli icması və Saatlı rayonu Kamallı icmasında fəaliyyət göstərən İnkubator sexinin fəaliyyətini təmin edən Biznes Qrup üzvləri və həmin icmaların Bələdiyyə üzvləri iştirak etdilər.

AzKİL ilə əməkdaşlıqda uğur qazanan icmalarımızdan Goranboy rayonu Bağçakürd, Ağamalıoğlu və Dəyirmanlar icmalarında üç icmanı birləşdirən “Uğur klasteri”nin İştiraklı Kənd Qiymətləndirməsi Seminarı həyata keçirildi. Bu icmaların AzKİL ilə əməkdaşlıqları uzun illərdir ki davam edir. Hər üç kənddə baş tutan görüşlərdə ayrı-ayrılıqda icma sakinləri Klaster layihələri barədə geniş məlumat aldıqdan sonra qruplara ayrılaraq icmadakı resursları və 3 kəndin ortaq problemlərini analiz etdilər.