Azərbaycan Respublikasının Əmək və Əhalinin Sosial Müdafiəsi Nazirliyində ölkəmizdə səfərdə olan Dünya Bankının Azərbaycan Üçüncü Kənd İnvestisiyaları Layihəsinin hazırlanması üzrə missiyası ilə görüş olub. Görüşdə əmək və əhalinin sosial müdafiəsi naziri Səlim Müslümov Azərbaycan Prezidenti cənab İlham Əliyevin sosial-iqtisadi siyasətinə uyğun olaraq, ölkəmizdə əmək resurslarının səmərəli məşğulluğuna şərait yaradılması istiqamətində həyata keçirilən kompleks tədbirləri diqqətə çatdırıb.

Sentyabrın 26-da nazir Heydər Əsədov Dünya Bankının nümayəndə heyəti ilə görüşüb. Görüşdə əsas məqsəd Dünya Bankı tərəfindən həyata keçirilən Azərbaycan Kənd İnvestisiya Layihəsinin (AzKİL) 3-cü mərhələsi üzrə danışıqların aparılması olub.

Dünya Bankının Azərbaycandakı əməkdaşlıq fəaliyyətinin 25 illiyi qeyd olundu. Yubiley tədbirində Dünya Bankının rəsmiləri, Azərbaycan Hökumətinin və diplomatik korpusun nümayəndələri iştirak edirdi. Dünya Bankının ən uğurlu layihələrindən biri sayılan Azərbaycan Kənd İnvestisiya Layihəsi də bu tədbirdə təmsil olundu.

Masallı rayonunun Kubin icmasında AzKİL tərəfindən maliyyələşmiş "Məktəb Tikintisi" layihəsinin açılış mərasimi keçirildi. Aşılışı Masallı Rayon İcra Hakimiyyəti təşkil etmişdi. Tədbirdə Dünya Bankının Avropa və Mərkəzi Asiya Regionu üzrə İctimai İnkişaf Praktika Meneceri xanım Nina Bhatt, Masallı Rayon İcra Hakimiyyətinin Başçısı c-b Rafil Hüseynov və AzKİL Direktor Müavini/İcma İnkişafı Meneceri Gülbəniz Qənbərova iştirak etdi.