Müdriklərin qərinələri aşıb reallığını günümüzə qədər qoruyub saxladığı bir deyim var: “El bir olsa, dağ oynadar yerindən.” Eli də birliyə çağıran, ağrısını, acısını duyan, onun dərd- sərindən xəbərdar olan, dar ayaqda, çətin məqamda dadına yetən gərək. Beləsidir hər elin, obanın, mahalın, hər icmanın güvənci, iftixarı. Elə sizə tanıtmaq istədiyimiz İftixar Hüseynov kimi.

...Mart ayının sonları olmasına baxmayaraq hava cox soyuq və şaxtalıydı.Yolumuz başı qarlı dağlar qoynunda yerləşən səfalı Gədəbəy rayonunun İnəkboğan kəndinə idi. Mərkəzi yoldan sol tərəfə-üzü kəndə doğru yönələn yolun ensiz və inanılmaz dərəcədə bərbad olması ucbatından kəndin mərkəzinə böyük cətinliklə çatdıq. Şaxtalı hava burada bizi səbirsizliklə gözləyən kənd sakinlərınə əngəl ola bilməmişdi...

AzKİL-in Şimal-Qərb zonasında da infrastruktur yönündəki, kənd ərazilərində həyat şəraitinin yaxşılaşdırılması sahəsindəki təqdirəlayiq fəaliyyəti Bərdə rayonunun bütün icmalarında olduğu kimi Piyadalar icmasında da böyük maraq doğurmuşdu.Qonşu kəndlərin AzKİL ilə əməkdaşlıq edərək öz problemlərini həll etdiyini görən icma sakinləri AzKİL-ə müraciət etmək qərarına gəldilər.Piyadalar icmasının sakinləri də illər boyu problemlərdən əziyyət çəkmiş, lakin səfərbərliyə meylli olduğundan bir sıra işlər həyata keçirməyi bacarmışdı. Son illər isə insanlar sanki birləşərək problemləri həll etməyi unutmuş və bu unutqanlıq onları çətinliklərə üzləşdirmişdi.

Göygöl rayonunda bir icma var - Şəhriyar icması. Dahi şairimiz Şəhriyarın adını daşıyan bu icma qədim tarixə malikdir. Adı dəfələrlə dəyişdirilən və sonda nəinki Azərbaycanın erməni işğalçıları tərəfindən zəbt olunmuş torpaqlarından məcburən çıxarılan köçkünlərə, eləcədə hazırda mənfur "qonşu" ərazisində olan torpaqlarımızdan qovulan azərbaycanlı bacı-qardaşlarımıza, eyni zamanda Özbəkistan və Qırğızıstandan vətənimizə pənah gətirmiş türklərə yurda, ocağa çevrildi. Qismən də olsa fərqli adət-ənənələrə malik, ancaq eyni dərdə düçar olmuş insanların birgə məskunluğu, idarə olunması heç də həmişə asan olmurdu...