Ismayıllı rayonu, ARZU Qadın İnkişaf Qrupunun xalçaçı qızları növbəti xalçalarını toxuyub başa çatdırdılar. Daha altı xalça hazırdır. Xalçalardan biri elə dərhal alıcı tərəfindən alındı.Qızlarımızın barmaqlarının düzüb qoşduğu bu incə naxışlar, zərif ilmələr doğrudan da göz oxşayır.Daha altı xalça da yaxın günlərdə tamamlanacaq . Əllərinizə sağlıq, qızlar. Bizdə belə bacarıqlı xanımlar haqqında deyərlər: "Əllərindən zər tökülür".

Balakən rayonunda fəaliyyət göstərən "NOVRUZ" Qadın İnkişaf Qrupunun dəstəyi ilə orada şirniyyat müəssisəsi artıq fəaliyyətə başladı.Bu qrup bütün QABAQÇÖL əhalisini və buradakı mağazaları həvəslə hazırladığımız nəfis və dadlı şirniyyatlarla təmin edir. Sifarişlər o qədər çoxdur ki, xanımlar çətinliklə çatdırır.

Masallı rayonu Çaxırlı icmasında AzKİL-2 tərəfindən “Qadınların İqtisadi Səlahiyyətlənməsi” proqramı çərçivəsində yaradılan və üç aydan artıq bir müddətdə fəaliyyət göstərən “Bahar” və “Cənub” Qadın İnkişaf Qruplarına “Tibbi biliklər” üzrə təlim keçirildi. Tibbi sahədə ilkin və ən vacib biliklər və bacarıqlar haqqında az məlumatlı olan qadınlar üçün verilən bütün məlumatlar çox böyük maraqla qarşılanırdı.

16 iyul 2018-ci il tarixdə Lənkəran rayonu Separadi icmasında “Əvəsor” Qadın İnkişaf Qrupuna AzKİL-2 əməkdaşı Yəməntac Əmirova və Masallı rayon Mərkəzi Xəstəxanasının həkimi Sevinc Əsgərova tərəfindən “Tibbi biliklər” təlimi verildi. Təlimdə xüsusən qadınlara maraqlı olan mövzulara xüsusi diqqət yetirildi. Təlim Qrup üzvlərindən birinin evində keçirilirdi.

İyulun 4-də İsmayıllı rayonu Sumağallı icmasında ARZU Qadın İnkişaf Qrupunun öz daxili imkanları hesabına yaratdıqları “Xalça sexi” və “Şirniyyat sexi” nin açılış mərasimi keçirildi. Tədbirdə İsmayıllı rayon İcra Hakimiyyəti, Uşaq və Ailələrə Dəstək Mərkəzi, AzKİL əməkdaşları eləcə də Ağdam rayonu Zəngişallı icmasından QARABAĞ Qadın İnkişaf Qrupu, Balakən rayonu Qaysa icmasından NOVRUZ Qadın İnkişaf Qrupunun üzvləri və kənd sakinləri fəal iştirak etdilər.